Sía
Aðstoð við léttan iðnað
Tilgangur starfs felst einkum í að létta undir og vinna með samstarfsfólki við ýmis verk í fjölbreyttu vinnuumhverfi og vinna samkvæmt verklagsreglum.
Aðstoðarmaður í málmiðnaði
Aðstoðarmaður í málmiðnaði starfar með sínum yfirmönnum við að ná settum markmiðum í daglegum rekstri fyrirtækis.
Áfengis og vímuefnaráðgjafi
Áfengis- og vímuefnaráðgjafi aðstoðar fólk við að meta stöðu sína gagnvart notkun og áhrifum vímuefna á líf þess.
Bókari
Tilgangur starfsins er að vinna í tengslum við fjármál og rekstur, skrá útgjöld og tekjur og halda upplýsingum til haga. Unnið er með ýmis gögn sem þurfa að vera rekjanleg og skipulega upp sett og er nær eingöngu unnið við tölvur og bókhaldsforrit.
Deildastjóri í móttöku
Tilgangur starfs deildarstjóra í móttöku er að fara með yfirstjórn og ábyrgð á starfsemi og rekstri gestamóttöku gististaða.
Dyravörður
Dyravörður tekur á móti gestum og hefur það hlutverk að fylgjast með þeim sem staðinn sækja og tryggja öryggi þeirra, húsnæðisins og starfsmanna.
Eldvarnareftirlitsmaður
Meginviðfangsefni starfs eftirlitsmanns eldvarna eru almennt og sérhæft eldvarnareftirlit með atvinnuhúsnæði, jafnt fyrirtækjum sem stofnunum.
Ferðaþjónn
Ferðaþjónn starfar á hótelum og gistiheimilum og sinnir þar mismunandi verkefnum og þarf ávallt að hafa ólíkar þarfir gesta í huga.
Flokkstjóri í fiskvinnslu
Megin viðfangsefni flokksstjóra er að skipuleggja störf og halda utan um hóp starfsmanna á tilteknu vinnslusvæði.
Gæðaeftirlitsmaður í fiskvinnslu
Gæðaeftirlitsmaður í fiskvinnslu hefur eftirlit með gæðum hráefnis, hreinlæti starfsfólks, þrifum og ástandi búnaðar og húsnæðis í öllu vinnsluferlinu.
Gjaldkeri – fjárreiður
Tilgangur starfsins felst í meðhöndlun fjármuna, að greiða reikninga, umsjón með greiðsluferlum, hvort sem um er að ræða við innlenda eða erlenda viðskiptamenn eða lánardrottna.
Heilbrigðisgagnafræðingur
Heilbrigðisgagnafræðingur hefur sérþekkingu á meðhöndlun heilbrigðisgagna, gæðastöðlum, skilvirkni skráningar og lagaumhverfi heilbrigðisþjónustunnar.
Hópferðabílstjóri í ferðaþjónustu
Starf hópferðabílstjóra í ferðaþjónustu felst í akstri og þjónustu við farþega.
Kjötskurður
Tilgangur og markmið starfs við kjötskurð er að þekkja vöðvabyggingu þeirra dýraafurða sem unnið er með til að vera fær um að hluta niður og úrbeina lamb (dilk), svín, hross, naut, alifugla.
Kvikmyndastjórn (Lifandi myndir)
Tilgangur starfsins er að vinna og setja fram útfærslu hugmynda að handriti fyrir kvikar myndir, segja sögu í myndformi, sjá um framleiðslu kvikmyndaefnis fyrir verkkaupa eða á eigin vegum.
Landvörður
Tilgangur starfsins er að vernda náttúru, umhverfi og menningarminjar og stuðla að jákvæðri upplifun og viðhorfi gesta til verðmæta landsins og verndunar þeirra.
Leiðbeinandi í fullorðinsfræðslu
Tilgangur starfsins er að stuðla að námi fullorðinna þannig að þeir auki hæfni sína á tilteknu sviði.
Leiðsögumaður
Leiðsögumaður leiðsegir og stýrir ferðamönnum, bæði einstaklingum og hópum, í lengri eða skemmri ferðum.
Liðveitandi
Tilgangur starfs liðveitenda er að veita einstaklingum með fötlun, sem rétt eiga á, félagslega aðstoð og auka þannig lífsgæði þeirra.
Ljóstækni
Tilgangur starfsins er að setja upp og taka niður ljósabúnað á öruggan hátt til að veita þá lýsingu sem krafist er við hvers konar viðburði. Grunnkunnátta á rafstraumi og rík öryggisvitund er mikilvæg.
Millistjórnandi í ferðaþjónustu
Tilgangur starfsins er að leiða og skipuleggja dagleg verkefni deildar í samræmi við gildi, stefnu og verklagsreglur fyrirtækisins.
Millistjórnandi í verslun
Millistjórnandi í verslun stýrir daglegum rekstri og verkefnum í verslun í samræmi við skipulag og áætlanir og tekur rekstrarlegar ákvarðanir í samræmi við valdsvið sitt.
Móttaka á gististöðum
Tilgangur starfs í móttöku á gististöðum er að taka á móti gestum og veita þeim þjónustu í samræmi við stefnu og gæðaviðmið gististaðarins.
Öryggisvörður
Starf öryggisvarða felst í því að vakta eignir og fólk fyrir einstaklinga, fyrirtæki og stofnanir.
Ráðstefnutækni
Tilgangurinn er umsjón með tæknimálum á stórum sem smáum viðburðum s.s. ráðstefnum, kynningum og blönduðum (hybrid) fundum.
Rannsóknartæknir
Rannsóknartækir vinnur að jafnaði við sýnameðhöndlun (s.s. móttöku, skráningu, frágang og úrvinnslu).
Samfélagstúlkur
Samfélagstúlkur miðlar munnlega merkingu á milli aðila sem ekki tala sama tungumál, án þess að taka afstöðu til viðfangsefnisins.
Sérhæfður þjónustufulltrúi
Tilgangur starfs sérhæfðs þjónustufulltrúa er að hafa umsjón með flóknum verkefnum s.s. greina fyrirspurnir og veita ráðgjöf.
Sérþjálfaður byggingaverkamaður
Sérþjálfaður byggingaverkamaður starfar með sínum yfirmönnum við að ná settum markmiðum í daglegum rekstri fyrirtækis.
Sérþjálfaður starfsmaður í matvælaiðnaði
Tilgangur starfs sérþjálfaðs starfsmanns í matvælaiðnaði er að vinna að því að viðskiptavinir fái matvæli/vöru sem uppfyllir gæðastaðla.
Sjúkraflutningar
Tilgangur starfs við sjúkraflutninga er að vernda líf og heilsu fólks, sinna þeirri mikilvægu þjónustu sem útköll eru. Vera fyrsta viðbragð við bráðum veikindum og slysum.
Skógarmaður
Skógarmaður sinnir ýmsum verkefnum í skógrækt og landgræðslu sem eru breytileg eftir árstíðum.
Skólaritari
Tilgangur starfsins er að þjónusta og vera í samskiptum við nemendur, foreldra, starfsfólk og aðra utanaðkomandi aðila.
Slökkviliðsmaður
Tilgangur starfs slökkviliðsmanns er að vernda líf og heilsu manna, eignir og umhverfi með því að tryggja öryggi með fullnægjandi viðbúnaði við eldsvoðum, mengunaróhöppum, björgun fastklemmdra og öðrum björgunarstörfum.
Starf á deild í leikskóla
Starfsmaður á deild í leikskóla tekur þátt í uppeldi, menntun og umönnun leikskólabarna innan deildar og utan samkvæmt aðalnámskrá leikskóla og lögum og reglugerð um leikskóla.
Starf í frístund
Tilgangur starfsins er að leiðbeina og vera til staðar fyrir börn. Styðja við færni barna, hlusta á þau, veita öryggi og stuðning. Vera góð fyrirmynd, efla sjálfstæði, jákvæða sjálfsmynd og bera virðingu fyrir öllum.
Starf í íþróttahúsi
Starfsmaður í íþróttahúsi tekur á móti og þjónustar fjölbreyttan hóp viðskiptavina.
Starf í leikskóla
Tilgangur starfsins er að þjónusta og vera til til staðar fyrir börn og starfsfólk á leikskóla.
Starf í matvælaiðnaði
Almennur starfsmaður í matvælaiðnaði starfar að jafnaði við framleiðslu og/eða pökkun á matvælum.
Starf í upplýsingatækni
Starfsmaður við upplýsingatækni starfar á fjölbreyttum vettvangi við aðstoð vegna upplýsingatækni og umsýslu/aðlögun gagna.
Starf í verslun – hæfniþrep 1
Tilgangur starfs í verslun er bein og / eða óbein þjónusta við viðskiptavini og að sinna skilgreindum verkefnum starfsins.
Starf í verslun – hæfniþrep 2
Tilgangur starfs er að sinna almennum skilgreindum störfum í verslun undir stjórn deildar-, rekstrarstjóra eða
öðrum sem hefur stöðu yfirmanns í viðkomandi deild eða verslun.
Starf í vöruhúsi / á lager
Vinnuumhverfi í vöruhúsi / á lager getur verið afar mismunandi, allt frá litlum lagerum til stórra vöruhúsa.
Starf við endurvinnslu
Starfsfólk við endurvinnslu vinna samkvæmt verklagsreglum. Verkefnin geta verið mjög fjölbreytt og fara alltaf eftir aðstæðum. Verkefnin felast einkum í að stuðla að aukinni endurnýtingu og draga úr úrgangi sem fer til urðunar.
Starf við umönnun
Tilgangur starfsins er að veita fólki félagslegan stuðning, létta þjónustu og mynda tengsl við fólk. Styðja við færni og virkni fólks ásamt hvatningu við verkefni sem þarf að takast á við hverju sinni.
Starf við þrif og þjónustu
Tilgangur starfsins er að sjá um létt þrif samkvæmt starfslýsingu og fyrirmælum stjórnanda ásamt aðstoð við matar- og kaffitíma.
Starfsmaður í skjalaumsjón
Starfsmaður við skjalaumsjón stýrir skjölum í ákveðinn farveg samkvæmt lögum og kerfum sem eru í notkun innan fyrirtækis/stofnunar.
Starfsmaður í tækniþjónustu
Starfsmaður við tækniþjónustu er tengiliður fyrirtækisins við viðskiptavini þess sem þurfa tæknilega aðstoð.
Starfsþjálfi
Tilgangur starfsþjálfunar er að flýta fyrir yfirfærslu náms á starf og félagslegri aðlögun starfsmanns að starfi/starfsgrein.
Stuðningsfulltrúi (grunn- og framhaldsskóli)
Tilgangur starfsins er að aðstoða nemendur í námi og daglegum athöfnum. Veita nemendum (einstaka nemanda, smærri hópum eða heilum bekk) sem þurfa sérstakan stuðning, aðhald og aðstoð, til dæmis með því að vinna saman innan eða utan skólastofu eða í einstaklingsmiðuðu umhverfi.
Sundlaugavörður
Tilgangur starfsins er að þjónusta gesti sundstaða og tryggja öryggi og velferð þeirra ásamt því að halda sundstaðnum hreinum.
Sviðsstjórn
Tilgangur starfsins er að halda utan um alla framkvæmd, stýra umferð og stjórna samskiptum í viðburðarrými. Starfið krefst náinnar samvinnu við stjórnendur viðburða.
Tímabundin burðarvirki
Tilgangur starfsins er að setja upp tímabundin burðarvirki fyrir viðburði inni eða úti samkvæmt ósk viðskiptavina. Starfið er áhættusamt þar sem vinnan fer oft að hluta til fram í mikilli hæð ýmist í vinnulyftu eða krefst klifurs í burðarvirki.
Umönnun á hjúkrunarheimilum
Starfsmaður við almenna umönnun á hjúkrunarheimilum aðstoðar íbúa í þeim tilgangi að hámarka lífsgæði og viðhalda sjálfstæði og vellíðan þeirra.
Umsjónarmaður fasteigna
Umsjónarmaður fasteigna í grunn- og framhaldsskóla. Tilgangur starfsins er yfirumsjón með húsnæði og lóð skólans, viðhaldi og eftirliti með þeim.
Vaktstjóri á skyndibitastöðum og kaffihúsum
Vaktstjóri sér um daglega verkstjórn vinnustaðarins og ber ábyrgð á staðnum í fjarveru yfirmanns.
Vaktstjóri aksturs / flotastjóri
Tilgangur með starfi flotastjóra er að hafa umsjón með og stýra daglegum verkefnum hóps bílstjóra.
Verkstjóri í fiskvinnslu
Megin viðfangsefni verkstjóra í fiskvinnslu er að skipuleggja vinnslu, ákveða hvaða vinnsluaðferðum er beitt og sjá til þess að rétt vara sé framleidd samkvæmt vinnslureglum.
Verslunarstjóri
Verslunarstjóri fer með yfirstjórn í þeirri verslun sem hann starfar í og ber rekstrarlega ábyrgð á öllum sviðum verslunarinnar.
Viðburðastjóri
Tilgangur starfsins er að skipuleggja og stýra fjölbreyttum viðburðum á ákveðnum tíma og ákveðnum stað.