Fréttir frá samstarfsaðilum

Í samráði við verktaka var ákveðið að hefja jarðlagnatækninámið 3. desember 2007 og kenna aðra hverja viku frá kl. 8:30 til 17:10. Námið er 300 kennslustundir og stóð yfir í 6 vikur.

Fulltrúar Fjölbrautaskóla Norðurlands vestra voru viðstaddir við formleg námslok og notuðu tækifærið til þess að afhenda þátttakendum í jarðlagnatæknanáminu skjöl þar sem fram kom að Fjölbrautaskólinn metur námið til allt að 24 eininga.23 kenndu á námskeiðinu. 8 af þeim eru menntaðir kennarar aðrir eru sérfræðingar á sínu verksviði. 4 kennaranna voru af suðvestur horninu. 2 þeirra komu til Skagafjarðar en hinir 2 kenndu í gegnum fjarfundabúnað. 2 kennarar komu frá Akureyri. Aðrir kennarar komu úr Skagafirði og Húnavatnssýslum. Skagafjarðarveitur, Verkfræðistofan Stoð og RARIK lögðu fúslega til sérfræðinga sem kenndu verðandi jarðlagnatæknum. Það létti öllum róðurinn að kennarar, sem hafa kennt á jarðlagnatækninámskeiðum fyrir Mími, voru fúsir til að miðla upplýsingum og kennsluefni.Námskeiðið var metið þannig að settir voru saman tveir rýnihópar sem ræddu nokkur fyrirfram ákveðin málefni tengd námskeiðinu s.s. aðbúnað, skipulag og umsjón, innihald námsins, hvaða námsþættir væru gagnlegastir og hvort einhverjum þáttum mætti sleppa einnig ræddu þeir framlag leiðbeinenda, námsgögn og tímalengd. Hvor hópur um sig valdi ritara sem skráði niðurstöður. Fyrir utan samræður í rýnihópi voru lagðar ellefu spurningar fyrir hvern og einn námsmann.Niðurstöður rýnihópanna voru mjög áþekkar.