Samstarf um menntunarúrræði - fundargerðir

Kynningarmál: Hugmyndir um einblöðung eða kynningarspjald voru ræddar en innan FA þykir vænlegra að framleiða kynningarmyndband líkt og fyrirhugað var að útbúa í kringum Menntatorgið. Mál manna að margt hafi áunnist í þessum samstarfshópi varðandi kynningarmálin og hugsanlega verði að fara aðrar leiðir til að ná til hópsins og líklega best að gera það í gegnum símenntunarmiðstöðvarnar. Umræður um hversu erfitt sé að ná til hópsins en þrátt fyrir það er mikill fjöldi fólks í margvíslegum úrræðum. Vinnumálastofnun (VMST) hefur nú þegar gert rúmlega 400 námssamninga og er mikil virkni hjá stórum hluta fólks og mikilvægt að væntingar þessa samstarfshóps séu raunhæfar því takmark sé á fjármunum og mannafla. Sagt frá hugsanlegu samstarfi Rauða krossins og samstarfshóps FA varðandi símaþjónustu (1717) um menntunarúrræði.

Staðan á vinnumarkaði: Fjöldi atvinnuleysisskráninga þann 3. apríl var kominn í 18.158 (9,2%) á öllu landinu skv. skráningargrunni VMST. Verulega hefur hægt á nýskráningum atvinnulausra í mars sem eru að koma jafnt úr öllum flokkum, aðeins meira núna hjá fólki yfir fimmtugt. Umræður verða um hversu lítil virkni sé í atvinnuleitinni hjá mörgum sem eru á atvinnuleysisskrá í dag. Hjá VMST eru á milli 300-400 störf í boði en lítið hefur verið sótt um þau störf.

NVL verkefni: Sagt frá NVL verkefni sem FA tekur þátt í en markmið verkefnisins er að safna saman dæmum með lýsingum á verkefnum þar sem fræðsla eða menntun eru notuð til þess að mæta erfiðleikum á vinnumarkaði. Borið undir samstarfshóp FA hvort hann getir tekið að sér að safna saman þessum dæmum og var sú tillaga samþykkt.

Ráðstefna 3. apríl: Rætt um námsstefnu sem félags- og tryggingarmálaráðuneytið stóð fyrir þann 3. apríl sl. Á námsstefnunni var m.a. kynning á verkefni sem gekk út á viðhald eldri húsa. (Hallenderverkefnið) Reykjavíkurborg hefur litið mjög jákvætt til þessa verkefnis og mun IÐAN fræðslusetur verða Reykjavíkurborg innanhandar varðandi það verkefni. Almennt mál manna að námsstefna þessi hafi tekist vel og það hafi farið saman góð þátttaka, góðar kynningar og jákvæður andi.

Önnur mál: Sagt frá samstarfsverkefni nokkurra aðila í verslun (verslunarmenn, flugfélög, SAF o.fl.) sem gengur út á það að laða erlenda ferðamenn í verslunarferðir til Íslands.