Fréttir

Símenntunarmiðstöð Eyjafjarðar stóð fyrir mjög vel sóttum Stiklunámskeiðum þann 3. og 4. febrúar s.l. í húsnæði sínu við Þórsgötu á Akureyri. Þær Sigrún Jóhannesdóttir og Jórunn Magnúsdóttir frá Fræðslumiðstöð atvinnulífsins voru leiðbeinendur á námskeiðunum, þar sem  fjallað var um fræðslustarfsmanninn í nútímasamfélagi og þarfir fullorðinna námsmanna.

Alls tóku þátt 28 leiðbeinendur, stjórnendur og starfsmenn og komu þeir víðs vegar að, m.a. frá Farskólanum, miðstöð símenntunar á Norðurlandi vestra og Þekkingarneti Þingeyinga. Óhætt er að segja að gleði, frjó hugsun og líflegar umræður hafi einkennt starfið báða dagana.