Fréttir

Dagana 16. og 17 . janúar mun Fræðslumiðstöð atvinnulífsins halda þrjú grunnnámskeið úr Stiklum en þau eru:

• Stiklur 1 - Fræðslustarfsmaðurinn og kröfurnar í nútíma samfélagi
• Stiklur 2 - Fullorðnir nemendur og forsendur þeirra
• Stiklur 3 - Undirbúningur, skipulag og hönnun náms fyrir fullorðna

Þessi þrjú námskeið verða kennd sem eitt samfellt námskeið og fer kennslan fram í húsnæði Fræðslumiðstöðvar atvinnulífsins í Ofanleiti 2, 5. hæð A-álmu.

Undirbúningur og eftirfylgni fer fram í gegnum samskiptavef fyrir og eftir námskeiðið. Námskeiðið er einkum ætlað fræðslustarfsmönnum í fullorðinsfræðslu, kennurum, leiðbeinendum, þjálfurum og öðrum starfsmönnum sem koma að framkvæmd, skipulagi og þjónustu við námsmenn.

Sjá nánari upplýsingar um Stiklur 1-3

Umsjónarmenn námskeiðs: Sigrún Jóhannesdóttir og Jórunn Magnúsdóttir