Fréttir

1. júní fór fram kynningarfundur um starfsemi Fræðslumiðstöðvar atvinnulífsins (FA). Tilefni fundarins var að BSRB, fjármálaráðuneytið og Samband íslenskra sveitarfélaga bættust í hóp eigenda Fræðslumiðstöðvarinnar. Aðrir eigendur eru  stofnendur Fræðslumiðstöðvarinnar; Alþýðusamband Íslands og Samtök atvinnulífsins.

Á kynningarfundinum kynntu starfsmenn, framkvæmdastjóri og formaður stjórnar FA nýju aðildarsamtökunum starfsemi félagsins og möguleg tækifæri til að víkka út starfsemina. Þá kynntu fulltrúar aðildarfélaga BSRB starfsemi Starfsmenntar og hvernig starfstengdu námi er almennt háttað innan raða BSRB.

Í lok fundar fóru fram umræður þar sem fram kom ánægja með fyrirhugað samstarf. Kynningarfundurinn var  fyrsta skrefið í átt að fyrirhuguðu samstarfi. Þrátt fyrir ólíka menningu almenna vinnumarkaðarins og opinbera vinnumarkaðarins töldu fundarmenn mikilvægt að taka höndum saman til að verja kerfi sem hafa verið byggð upp í starfsmenntun og fullorðinsfræðslu.

Hér að neðan má sjá lista kynninga dagsins:

• Halldór Grönvold, formaður stjórnar FA - Forsendur starfsins og framtíðarsýn
• Ásmundur Hilmarsson, starfsmaður FA - Námsleiðirnar, þróun og árangur. Nemendabókhald
• Árni Stefán Jónsson fulltrúi BSRB í stjórn FA - Yfirlit um starfsemina
• Hulda Anna Arnljótsdóttir framkvæmdastjóri Starfsmenntar - Fræðslusetrið Starfsmennt
• Guðmunda Kristinsdóttir, starfsmaður FA - EQM gæðakerfið
• Haukur Harðarson, starfsmaður FA - Raunfærnimat, þróun og árangur
• Fjóla María Lárusdóttir, starfsmaður FA - Náms- og starfsráðgjöf fyrir fullorðna, þróun og árangur
• Ingibjörg Elsa Guðmundsdóttir, framkvæmdastjóri FA - Áherslur í starfsemi FA og fjármögnun starfsins

Ágæt mæting var á kynningarfund um starfsemi FA

Sjá frétt um kynningarfundinn á vefsíðu BSRB