Fréttir

Í haust kom út hjá menntamálaráðuneytinu ný námsskrá í íslensku fyrir útlendinga á fullorðinsaldri. Þeim sem hyggjast kenna eftir þessari námsskrá býðst nú stutt kennslufræðinámskeið á vegum Fræðslumiðstöðvar atvinnulífsins. Námskeiðinu er ætlað að gefa hagnýtar leiðbeiningar um kennsluaðferðir og kennsluefni sem hentar markmiðum námsskrár og fullorðnum einstaklingum á vinnumarkaði.
Áhersla er lögð á fjölbreyttar kennslu/námsaðferðir í tungumálanámi í tengslum við alla færniþætti sem skilgreindir eru í viðmiðunarrramma Evrópuráðsins, þ.e. hlustun, lestur, samskipti, frásögn og ritun. Jafnframt er lögð áhersla á aðferðir sem henta fullorðnum nemendum og stuðla að persónulegri færni og félagsfærni.