Fréttir

Fræðslusjóður, sem starfar á grundvelli laga um framhaldsfræðslu nr. 27/2010, auglýsir eftir umsóknum um framlög og stuðning til að mæta kostnaði við kennslu og námskeiðahald fyrir fullorðið fólk.

Starfsmenntaverðlaunin 2010 voru afhent miðvikudaginn 8. desember. Forseti Íslands, Hr. Ólafur Ragnar Grímsson, afhenti Starfsmenntaverðlaunin.

Mennta- og menningarmálaráðuneyti, Alþýðusamband Íslands (ASÍ), Bandalag starfsmanna ríkis og bæja (BSRB), Samtök atvinnulífsins (SA), fjármálaráðuneyti, og Samband íslenskra sveitarfélaga undirrituðu í dag yfirlýsingu um að efla samstarf sitt um að hækka menntunarstig íslensku þjóðarinnar til aukinnar virkni í atvinnulífi og samfélaginu í heild.

Á ársfundi Fræðslumiðstöðvar atvinnulífsins 2010 sem bar undirskriftina „Hvað hvetur, hvað letur" voru þau Björgvin H. Björgvinsson og Hjördís Unnur Másdóttir valin fyrirmyndir í námi fullorðinna. Viðurkenningin og verðlaunin sem henni fylgja eru veitt einstaklingum sem sýnt hafa góðan námsárangur, frumkvæði, kjark og náð að yfirstíga ýmis konar hindranir í sínu námi.

Fræðslumiðstöð atvinnulífsins var falin umsjón með Starfsmenntaverðlaununum árið 2010.

Ráðstefna um raunfærnimat var haldin 3. september 2010 á Grand Hótel. Ráðstefnan var í umsjón NVL í samstarfi við Fræðslumiðstöð atvinnulífins.

Ráðstefna um raunfærnimat var haldin 3. september 2010 á Grand Hótel. Ráðstefnan var í umsjón NVL í samstarfi við Fræðslumiðstöð atvinnulífsins.

1. júní fór fram kynningarfundur um starfsemi Fræðslumiðstöðvar atvinnulífsins (FA). Tilefni fundarins var að BSRB, fjármálaráðuneytið og Samband íslenskra sveitarfélaga bættust í hóp eigenda Fræðslumiðstöðvarinnar. Aðrir eigendur eru  stofnendur Fræðslumiðstöðvarinnar; Alþýðusamband Íslands og Samtök atvinnulífsins.

Sköpun, nýsköpun, sveigjanleiki og þverfaglegt samstarf bar oft á góma þegar rætt var um einkenni fyrirmyndarverkefnanna sem kynnt voru á málstofu á hótel Nordica Hilton í Reykjavík þann 18. maí sl.

Í nýjum samþykktum um Fræðslumiðstöð atvinnulífsins kemur fram að stjórn félagsins skuli skipuð átta mönnum, þremur sem ASÍ tilnefnir, þremur sem SA tilnefna, einum sem BSRB tilnefnir, og einum sem fjármálaráðuneyti og Samband íslenskra sveitarfélaga tilnefna saman, kjörnum á aðalfund til eins árs í senn.

Á aðalfundi Fræðslumiðstöðvar atvinnulífsins (FA) þann 6. maí var samþykkt að BSRB, Samband íslenskra sveitarfélaga og fjármálaráðuneytið verði aðilar að félaginu, auk Alþýðusambands Íslands og Samtaka atvinnulífsins.

 Á DVD diski sem ber heitið „Þitt val - þín leið" eru sjómenn hvattir til að skoða möguleika sína til náms samhliða starfi. Sólrún Bergþórsdóttir náms- og starfsráðgjafi hjá Visku, fræðslu- og símenntunarmiðstöð Vestmannaeyja fékk hugmyndina að gefa út mynddiskinn og hafði umsjón með verkinu. Ásamt Sólrúnu voru það Anna Lóa Ólafsdóttir náms- og starfsráðgjafi hjá Miðstöð símenntunar á Suðurnesjum og Anna Vilborg Einarsdóttir skólastjóri Endurmenntunarskóla Tækniskólans sem sáu um handritsgerð.

Frumvarp til laga um framhaldsfræðslu var samþykkt sem lög frá Alþingi 22. mars 2010. Lögin taka gildi 1. október. Lögin taka til skipulags framhaldsfræðslu á vegum fræðsluaðila sem viðurkenningu hljóta samkvæmt lögum þessum og þátttöku ríkissjóðs í kostnaði við framkvæmd hennar.

Dagana 11. og 12. janúar var haldin í Keflavík ráðstefna um ráðgjöf og raunfærnimat sem Fræðslumiðstöð atvinnulífsins og Norræna tengslanetið um nám fullorðinna stóðu fyrir. Ráðstefnuna sóttu rúmlega 60 manns hvaðanæva af landinu.

Fræðslumiðstöð atvinnulífsins og NVL á Ísland bjóða til ráðstefnu um ráðgjöf og raunfærnimat dagana 11.- 12. janúar á Hótel Keflavík í Reykjanesbæ. Fyrri daginn verður fjallað um náms- og starfsráðgjöf fyrir fullorðna og seinni daginn um raunfærnimat.