Fræðslumiðstöð atvinnulífsins

Málstofa um fyrirmyndarverkefni

Sköpun, nýsköpun, sveigjanleiki og þverfaglegt samstarf bar oft á góma þegar rætt var um einkenni fyrirmyndarverkefnanna sem kynnt voru á málstofu á hótel Nordica Hilton í Reykjavík þann 18. maí sl.
Sjá nánar

Fræðslumiðstöð atvinnulífsins ætlað veigamikið hlutverk í framhaldsfræðslu

Þitt val - þín leið, DVD diskur um námsmöguleika fyrir sjómenn 

Föstudaginn 30. apríl kynnti Sólrún Berþórsdóttir útgáfu DVD disks um námsmöguleika fyrir sjómenn. Samstarfsaðilar og styrktaraðilar verkefnisins eru: Fræðslumiðstöð atvinnulífsins, Sjómennt (fræðslusjóður sjómanna), Landsamband íslenskra útvegsmanna (LÍÚ) og Viska, fræðslu- og símenntunarmiðstöð Vestmannaeyja. Sjá nánar 

Frumvarp til laga um framhaldsfræðslu var samþykkt sem lög frá Alþingi 22. mars 2010. Lögin taka gildi 1. október 2010. Lögin taka til skipulags framhaldsfræðslu á vegum fræðsluaðila sem viðurkenningu hljóta samkvæmt lögum þessum og þátttöku ríkissjóðs í kostnaði við framkvæmd hennar. Sjá nánar

Dagana 11. og 12. janúar var haldin í Keflavík ráðstefna um ráðgjöf og raunfærnimat sem Fræðslumiðstöð atvinnulífsins og Norræna tengslanetið um nám fullorðinna stóðu fyrir. Ráðstefnuna sóttu rúmlega 60 manns hvaðanæva af landinu. Sjá nánar

Úrræði til árangurs: Ráðstefna um menntun á vinnumarkaði í nútíð og framtíð

Framtíðarsamfélagið mun kalla á síaukna hæfni fólks á ýmsum sviðum, samanber rannsóknir í Evrópu á þörf atvinnulífsins fyrir færni og stefnumótun Evrópusambandsins „Ný hæfni fyrir ný störf". Hröð þróun í tækni og vísindum krefst þess að fólk læri fljótt og vel að nota nýjustu tækni en einnig að fólk geti unnið saman í hópum og leyst þau vandamál sem upp kunna að koma. Ef til vill er hægt að nýta sér fjármálakreppuna sem nú geisar í heiminum til þess að undirbúa fólk undir þessa framtíð. Vinnutími hefur styst og fjöldi atvinnulausra hefur margfaldast þannig að nú er lag að nota tímann til þess að mennta sig. Þar gegna t.d. símenntunarmið-stöðvarnar lykilhlutverki sem og  allir þeir aðilar sem bjóða upp á óhefðbundin menntunarúrræði. Stjórnvöld og aðilar vinnumarkaðarins hafa lýst yfir vilja sínum til samstarfs í menntamálum og rætt verður hvernig mæta á þörfum atvinnulífsins fyrir færni til framtíðar. hvernig þeir ætla að fara að og hver mun bera ábyrgð á hverju. Taka þarf sérstakt tillit til hópa sem standa höllum fæti á vinnumarkaðnum og kynnt verða samstarfsverkefni sem snérist um tvo slíka; eldra fólk á vinnumarkaði og lesblinda. Ekki má heldur gleyma náms- og starfsráðgjöfinni sem er og verður ómissandi tæki þeirra sem vita ekki hvar þeir eiga að byrja.

Eitt af því sem vakið hefur áhyggjur mínar er hið mikla brottfall sem er í framhaldsskólum. Um það bil 95% þeirra sem útskrifast úr grunnskóla halda áfram í framhaldsskóla. Fyrir 25 ára aldur brautskrást hins vegar aðeins 60% af þeim sem hefja nám í framhaldsskóla. Brottfallið á þessum aldri er því 40%. Þetta eru háar tölur og alvarlegar og brýnt að leita leiða til að koma í veg fyrir svo mikið brottfall.

Stór hluti þeirra sem útskrifast úr framhaldsskóla hefur nám í háskóla. Vegna þessa mikla brottfalls hefur á síðustu árum myndast menntunargjá hjá þjóðinni: þeim fjölgar sem eru með háskólapróf en um þriðjungur fólks á vinnumarkaði er einungis með próf úr grunnskóla. Í mennta- og menningarmálaráðuneytinu vinnum við nú að því að leita leiða til að minnka brottfall og vinnum að nýjum námskrám sem auka fjölbreytni framhaldsskólans. Sú vinna og það starf sem unnið er í samstarfi við félags- og tryggingamálaráðuneytið mun vonandi stuðla að því að við komum út úr kreppunni menntaðri þjóð en sú sem fór inn í kreppuna. Sjá nánar

IÐAN fræðslusetur býður upp á raunfærnimat fyrir ófaglært starfsfólk í ýmsum iðngreinum. Verkefnið er kallað »Bættu um betur«. Tilgangurinn er að auðvelda fólki með starfsreynslu að ljúka löggildu iðnnámi. Skilyrði er að viðkomandi hafi unnið meira en fimm ár í greininni og náð 25 ára aldri. Staða hvers og eins er metin með tilliti til faggreinarinnar og leiðbeint um bóknám. Edda Jóhannesdóttir, náms- og starfsráðgjafi hjá Iðunni fræðslusetri, sagði að margir ófaglærðir en reyndir starfsmenn leiti nú eftir iðnréttindum til að geta farið til starfa í útlöndum. Frá því verkefnið hófst 2007 hafa um 300 manns farið í raunfærnimatið. Milli 50 og 60 af þeim eru þegar komnir með sveinspróf.

Morgunblaðið 22.09.09 Eftir Guðna Einarsson

Fræðslumiðstöð atvinnulífsins mun halda námskeið 23. til 24. september vegna raunfærnimats ef næg þátttaka fæst. Námskeiðið er 15 kennslustundir og er þátttakendum að kostnaðarlausu. Sjá nánari upplýsingar

Tvö íslensk Leónardóverkefni voru valin fyrirmyndarverkefni á ráðstefnunni „Keeping On Track" var haldin í Prag þann 4. til 5. júní sl. en samtals voru sex verkefni valin sem fyrirmyndarverkefni úr hópi rúmlega 100 Evrópuverkefna.  Verkefni Fræðslumiðstöðvar atvinnulífsins „Gildi starfa" var annað þessara verkefna og kynnti Ingibjörg E. Guðmundsdóttir framkvæmdastjóri Fræðslumiðstöðvar atvinnulífsins verkefnið á ráðstefnunni.  Verkefnið  „Gildi starfa" eða  „Value of work"  gengur út á að þróa og prófa mat á færni út frá ákveðnum fyrirfram skilgreindum viðmiðum og að hanna leiðbeinandi efni sem nýst gæti til yfirfærslu raunfærnimats í önnur störf. Þetta var samstarfsverkefni sex Evrópulanda og í hverju þeirra tóku fyrirtæki virkan þátt í vinnunni sem er mikilvægt skref í því að veita fyrirtækjum góða yfirsýn yfir þann mannauð sem þau hafa yfir að ráða. Sjá nánar

Í lok maí útskrifuðust 11 manns úr 160 kennslustunda námi sem nefnist Færni í ferðaþjónustu. Framkvæmd og kennsla var í höndum Miðstöðvar símenntunar á Suðurnesjum. Sjá nánar hér.

Námskeiðið verður haldið hjá Miðstöð símenntunar á Suðurnesjum laugardaginn 25. apríl. Á námskeiðinu verður fjallað um forrit fyrir glærugerð, hljóðglærugerð og hljóðritanir til að birta á Netinu og spila í tónhlöðum.Námsþátturinn verður 7 kennslustundir. Sjá nánar hér

Námskeiðið verður haldið hjá Fræðslumiðstöð Vestfjarða dagana 28. og 29. apríl. Námskeiðið er ætlað leiðbeinendum fullorðinna. Fyrri daginn verður fjallað um fullorðna nemendur og forsendur þeirra; einkenni fullorðinna námsmanna, mismunandi námsnálgun og aðferðir. Lögð er áhersla á þátttöku, verkefnavinnu og hagnýta tengingu. Námsþátturinn verður 7 kennslustundir.

Seinni dag námskeiðsins verður fjallað um forrit fyrir glærugerð, hljóðglærugerð og hljóðritanir til að birta á Netinu og spila í tónhlöðum. Námsþátturinn verður 7 kennslustundir. Sjá nánar hér

Fræðslumiðstöð atvinnulífsins hefur verið falið að vista NVL ,Norrænt tengslanet um nám fullorðinna á Íslandi,  fram til 31. Desember 2011. NVL er samstarfsvettvangur  á vegum Norrænu ráðherranefndarinnar til  að auka og bæta fullorðinsfræðslu á Norðurlöndunum og efla samkeppnishæfni þjóðanna. Höfuðstöðvar verkefnisins eru hjá VOX, norsku fullorðinsfræðslustofnuninni og framkvæmdastjóri þess er Antra Carlsen. Fulltrúi Íslands er Sigrún Kristín Magnúsdóttir, sérfræðingur hjá FA.

Nýlega fór fram mat á samstarfinu og er það nú enn betur undirbúið til að takast á við verkefni framtíðarinnar. Nánari upplýsingar er að finna á heimasíðu NVL, http://www.nordvux.net/

Föstudaginn 6. mars var opið hús  í Skeifunni 8 frá kl. 14-18 þar kynntu fræðsluaðilar ýmis úrræði fyrir atvinnulausa. Sjá nánar hér

Í haust kom út hjá menntamálaráðuneytinu ný námsskrá í íslensku fyrir útlendinga á fullorðinsaldri. Þeim sem hyggjast kenna eftir þessari námsskrá bauðst nú stutt kennslufræðinámskeið á vegum Fræðslumiðstöðvar atvinnulífsins. Námskeiðið var haldið í gamla barnaskólans á Akureyri við Skólastíg 2, dagana 20. febrúar og 21. febrúar. Sjá nánar hér

Fræðslumiðstöð atvinnulífsins stóð fyrir tveimur námskeiðum fyrir matsaðila (kennara/fagaðila, verkefnastjóra í raunfærnimati, náms- og starfsráðgjafa) í raunfærnimati. Á námskeiðinu var þjálfuð færni matsaðila í framkvæmd raunfærnimats. Námskeiðin fóru fram í Skeifunni 8, 2. hæð, 25. og 26, febrúar 2009. Sjá nánar hér

Ársfundur Fræðslumiðstöðvar atvinnulífsins 2008 var haldinn á Grand Hóteli 20. nóvember. Fundinn, sem er 6. ársfundur FA, sóttu um 80 manns.

Egill Þórarinsson og Svanur Þór Brandsson sögðu frá þátttöku sinni í raunfærnimatsverkefninu „Bættu um betur" í húsasmíði. IÐAN - fræðslusetur sá um verkefnið sem lauk í júní 2007. Egill og Svanur luku sveinsprófum sínum í maí 2008.

Ingegerd Green flutti fyrirlestur um færniþróun en samkvæmt skilgreiningu hennar felur færni ekki aðeins í sér getu, þekkingu og verkfærni heldur einnig vilja til þess að skapa virðisauka með verkum sínum.

Dr. David Blustein ráðgjafasálfræðingur fjallaði um nútímalegan vinnumarkað sem gerir kröfu til þess að starfsmenn uppfæri stöðugt færni sína í takti við tíðarandann.

Halldór Eyþórsson og Ómar Örn Jónsson fengu viðurkenningu fyrir að vera fyrirmyndir í námi  fullorðinna. Í viðurkenningarskyni færði Fræðslumiðstöð atvinnulífsins þeim Halldóri og Ómari fartölvur með forritum. Á viðurkenningarskjölum þeirra segir að handhafi skjalsins hafi náð góðum árangri, sýnt frumkvæði og kjark, yfirstigið hindranir og geti hvatt aðra til náms.

GÁTT 2008 var dreift á ársfundinum. Að þessu sinni birtast 27 greinar og pistlar í GÁTT ársriti Fræðslumiðstöðvar atvinnulífsins um fullorðisnfræðslu og starfsmenntun. Meginefni ritsins eru gæði og gæðaviðmið í fullorðinsfræðslu. Einnig er greint frá starfsemi FA og verkefnum sem unnið hefur verið að á árinu 2008. Meira...

Í ljósi þeirra miklu hremminga sem hafa gengið yfir íslenskt samfélag síðustu vikurnar má gera ráð fyrir mikilli lægð á næsta ári með meira atvinnuleysi hér á landi en menn hafa séð um langt árabil.  Vegna þessara sérstöku aðstæðna sem hafa skapast hefur stjórn Fræðslumiðstöðvar atvinnulífsins (FA) sett af stað samstarfshóp um menntunarúrræði.  Meira...

Í hefti sem Hagstofa Íslands gaf út þann 3. júní sl. er fjallað um nám og námslok þeirra sem fæddust á Íslandi árið 1982. Stuðst er við nemendaskrá og prófaskrá Hagstofunnar og tekið mið af því námi sem þessir einstaklingar höfðu lokið árið 2006 - árið sem þau eru 24 ára. Meira...

Farskólinn, miðstöð símenntunar á Norðurlandi vestra, útskrifaði námsmenn í Jarðlagnatækni, Fagnámskeiði 1og Aftur í nám. Meira...

Um miðjan maí sl. var haldin ráðstefna um gæði í fullorðinsfræðslu í Nynäshamn í Svíþjóð. Norræna ráðherranefndin og stýrihópur nefndarinnar í fullorðinsfræðslu, SVL, leggja mikla áherslu á hvers konar gæði í fullorðinsfræðslu. Meira...

Meðlimir faghópa NVL á Íslandi hittust á fundi í Skeifunni 8, þriðjudaginn 15. apríl sl. Markmið fundarins var kynning á verkefnum faghópa NVL á Íslandi. Starfsemi faghópanna hefur lagt lóð á vogarskálarnir í mikilvægri umræðu um fullorðinsfræðslu á Íslandi.   Meira...

Á árinu 2006 var gerður samningur milli Fræðslumiðstöðvar atvinnulífsins og Betri lausna um þarfagreiningu hjá samstarfsaðilum FA.  Í febrúar síðast liðnum var gerð verðkönnun hjá 7 fyrirtækjum. Verðhugmyndi bárust frá tveimur fyrirtækjum. Verðhugmynd Stúdíu ehf þótti álitlegri. Samningar um leigu FA á nemendabókhaldi og kennslukerfi Stúdíu ehf voru undirritaðir 11. apríl s.l.   Meira...

Ríkisstjórnin og aðilar vinnumarkaðarins eru sammála um ráðstafanir og áherslur á sviði menntamála, með sérstakri skírskotun til menntunar fólks á vinnumarkaði með takmarkaða menntun. Stefnt er að því að ekki fleiri en 10% fólks á vinnumarkaði verði án viðurkenndrar starfs- eða framhaldsskólamenntunar árið 2020.   Meira...

Boðið var til kynningar og umræðna um vald, lýðræði og virka samfélagsþátttöku á málþingi í Norræna húsinu föstudaginn 16. nóvember 2007.  Að málþinginu stóð NVL á Íslandi sem er norrænt tengslanet um nám fullorðinna og Leikn, samtök fullorðinsfræðsluaðila á Íslandi. Tilefni þessa málþings var m.a. að vekja athygli á safnritinu DEMOS og gera tilraun til að verða kveikja að umræðu um vald, menntun og lýðræði í okkar samfélagi.  Meira...

Fræðslumiðstöð atvinnulífsins og símenntunarmiðstöðvar um land allt gerðu með sér samninga um náms- og starfsráðgjöf á vinnustað. Í samningunum felst að náms-og starfsráðgjafar á vegum símenntunarmiðstöðva fara á vinnustaði á heimaslóðum sínum, kynna ráðgjöfina og veita einstaklingsviðtöl um nám og störf. Áhersla er lögð á að hvetja fólk til virkrar símenntunar.

.

Hringdu ef þú hefur áhuga á að fá náms- og starfsráðgjafa á vinnustað þinn.

.

Smelltu hér ef þú vilt lesa um náms- og starfsráðgjöf á vinnustað í tímaritinu Gátt 2006.

Smelltu hér ef þú vilt lesa í bæklingi um raunfærni og raunfærnimat.